ÖKUTÆKIN
Við kynnum Boreal Ofur-Jeppa og -Trukka: einstaklega hæfir og áreiðanlegir vinnuhestar, sannkölluð undratæki sem gera hið óaðgengilega aðgengilegt.
HVÍTABJÖRNINN
4x4 Fjallatrukkur - 37 farþega
"Hvítabjörninn" HU037 eða fyrrum P10 er nánast goðsögn í rútuflotanum á íslandi.
Smíðaður hjá Bifreiðasmiðju Sigurbjörns Bjarnasonar, Didda, sem 37 sæta á tveggja drifa Benz 1417 vörubílagrind 1986. 14 tonna heildarþyngd og 170 hestöfl.
Fékk fljótlega aðeins öflugri vél, en að lokum sett í hann vél og kram mestmegnis úr 16 eða 19 tonna 4x4 Benz og 330 hestafla vél. Þótti afburða vetrarbíll með stórar lestar og var mikið í vetraráætlun með fólk og farangur og póst vestur á Snæfellsnes.
Er Boreal eignaðist trukkinn vorið 2021 og byggði upp var hann rétt kominn yfir milljón kílómetrana, og þar af mikið í hálendistúrum á sumrum. Er vel við hæfi að gamli ökuritinn sé farinn að telja kílómetrana upp á nýtt.
Karakter gamla P10 svífur enn yfir vötnunum og upprunanlegi byggingarmátinn er auðþekkjanlegur. Afburða bíll sem aldrei fyrr.
ÍSBJÖRNINN
4x4 Fjallatrukkur - 44 farþega
"Ísbjörninn" ZS717 eða fyrrum P20 er æði umbreyttur frá upphaflegri rútu. Innflutt 44 sæta Jonckheere hús sett á 1619 grind hér heima. Mótor uppfærður í 220, og enn síðar í 280hestöfl. Lestarmikill, enda ætlaður á Snæfellsnes sérleyfið.
2006 var yfirbyggingin flutt yfir á nýja 4x4 Scania P380 grind, og fékk þá Scania framendann og endurnýjun lífdaga.
Boreal eignast trukkinn vorið 2025 og hefur gert honum mikið til góða. Kramið var þá aðeins ekið um 280þ. km.